Sappia o cara Ghjiseppa
Di tè quant'è ne sò fieru
A ti dicu francamente
Cù lu core u più sinceru
Chì ti piace a macagna
E chì ai l'estru veru !!!
vi dicu grazie sgio dentistu
pe a sforza chi mi date
eiu scrive sempre à stentu
isse parolle amparate
venera una ghjurnata
a mo rima sara liberata. ( peccatu nove piedi un so micca abbucata a finisice in ottu piedi )
Chè tu fia ottu pedi
Ancu puru una decina
Basta chì a to passione
Mai ùn parti in pulvina
E di tutte le zitelle
Ne firmarè la regina
un ghjornu abucceraghju
a issa rima sunniata
talentu un aghju micca
ma una voglia smisurata
tocca à mè d'avè a cura
di nostra santa cultura
Chè t'ùn appia talentu
Pensu faci un errore
Chì ùn ai bisognu di nimu
Ne di nisun prufissore
Per pudè impruvisà
Nott'è ghjornu,à tutt'ore...
eccu a nova passione
d'impruvisà a tutt'ore
mi face sempre sunnià
e mi stringhje lu core
mi porta in tante cufine
tocca d'andà à a fine
A ti dicu sinceramente
A to musa hè magia
Stà à sente a mo voce
A ripetu in puesia
Chì oramai hè prigiuneru
D'a to rima Marcu Maria
A mazzera un so micca
per pudè ammasgiulati
a mo rima hè mischina
e i versi micca arritti
ma vergogna un ne aghju
chi mai un serannu zitti
Un si micc'una mazzera
Forse si ancu una fata
La to musa cusi fiera
La to rima infiarata
Ti facenu principezza
Di a nostr'impruvisata
so giuvanotta scaiuffa
un possu esse una fata
aghju dinu troppu malizia
pè pudè esse calmata
a mio musa ava si sveglia
un vogliu fà di piantata ( piouuuufff )
Oramai simu soli
In quessu locu disertu
Ma per fà belle canzone
Sappia chì ùn sò spertu
Mi ferma sola a passione
E lu mo cantu incertu...
ci basta sola una voglia
pe pudè sunnià è cantà
u to cantu un hè incertu
a so chi face viaghjà
hè dolce come un fiore
sappia hè per mè un onore
S'ell'hè per tè un'onore
Se tù si sempre sincera
Hè cumossu lu mo core
La mo musa tantu fiera
Ma avà mi tocca à corre
E ti dicu "a bona sera"
curagiu a tè amicu
anch'eu mi ne devu andà
fu per mè tantu piaccè
u mo babbu si mette a mughjà
e prima ch'ellu mi chjappa
aghju in furia a scappà
in rossu e parolle di marcu maria
e strufate in nere so e mo risposte :)
